ՀՀ անկախության 31-ամյակին նվիրված միջոցառումներ Նիդերլանդներում

21 սեպտեմբերի, 2022

Սեպտեմբերի 21-ին Հայաստանի անկախության 31-ամյակի կապակցությամբ Նիդերլանդներում ՀՀ դեսպանության և Դրենթե նահանգում Նիդերլանդների թագավորի հանձնակատարի (նահանգապետ) նախաձեռնությամբ տեղի ունեցավ Հաագայում հավատարմագրված դեսպանների, միջազգային կազմակեպությունների ներկայացուցիչների, ԱԳՆ աշխատակիցների, լրագրողների այցելություն Վեստերֆելդ և Ասսեն քաղաքներ։

Մշակութային օրը սկսվեց Ֆրեդերիկսորդ ավան այցելությամբ։ Ներկաներին ողջույնի խոսքով դիմեց Դրենթեի նահանգապետ Յետտա Կլայնսման, որից հետո հյուրերն այցելեցին ավանի թանգարան և ՅՈՒՆԵՍԿՕ-ի համաշխարհային ժառանգության ցանկում ներառված պատմական շրջաններ։

Միջոցառումները շարունակվեցին Ասսենում՝ Դրենթսի թանգարանում, «Արարատի հմայքի ներքո․ հին Հայաստանի գանձերը» ցուցահանդես այցելությամբ։

Այնուհետև տեղի ունեցավ Հայաստանի ազգային տոնին նվիրված ընդունելություն, որը բացվեց դեսպան Տիգրան Բալայանի ելությով։

Դեսպանը, մասնավորապես, շնորհակալություն հայտնեց նահանգապետին՝ հյուրընկալության և դեսպանների այցելության կազմակերպման ընթացքում ցուցաբերած աջակցության համար, անդրադարձավ այն դժվարին իրավիճակին, որում Հայաստանը նշում է իր անկախության օրը։ Ներկաների ուշադրությունը հրավիրվեց Ադրբեջանի կողմից Հայաստանի վրա հարձակմանը և դրա ծանր հետևանքներին, քննադատվեց ագրեսորի և զոհի միջև կեղծ հավասարության նշան դնելու հայտարարություններն ու կոչերը, որոնք նոր ագրեսիայի հրահրման պատճառ են դառնում։

Դեսպանն անդրադարձավ նաև հայ-նիդերլանդնական երկկողմ հարաբերություններում տեղի ունեցող զարգացումներին, մասնավորապես, կարևորելով ՀՀ վարչապետի՝ Նիդերլանդներ կատարած այցը և վերջինիս ընթացքում ձեռք բերված պայմանավորվածությունների իրականացումը։

Միջոցառումներն եզրափակվեցին պարգևատրման արարողությամբ. նահանգապետը պարգևատրվեց դեսպանության պատվո մեդալոսվ, թանգարանի տնօրենը՝ ՀՀ ԿԳՄՍ ոսկե մեդալով, Նիկոլայն Ռոմաշուկ-Հայրապետյանը՝ ՀՀ ԱԳՆ պատվո մեդալով՝ ցուցահանդեսի կազմակերպման և հայկական մշակույթի տարածման գործում ունեցած ներդրման համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր